javascript:void(0)

Friday, March 10, 2017

මෙය අවසානය ද?


..:| මතක වස්තුව |:.. "කල්පිතය යථාර්තයට ගැළපවීම....."

හරිම පුදුම දවසක්..... මම මේ ඉන්න තැන මෙච්චර කාලෙකට මගෙ හිත මෙහෙම නිදහස් උනාමයි.  අද මට කියන්න තියෙනව කතාවක්.... විශේෂ කතාවක්.... සමහර විට ඔයාලට නම් ඒ තරම් වැදගත් වෙන එකක් නෑ... ඒත් මාව දන්න අයට නම් මේ කතාව කියවලම බලන්න හිතෙයි. නොදන්න අයටත් කතාව කියවල බලල මාව අඳුනගන්න හිතේවි සමහර විට.
අද මම ඉන්න තැන මම බලෙන් ඉල්ලල ගත්තු තැනක් නෙමෙයි. මේ තැන මට උත්සහයකින් තොරවම ලැබුන දෙයක්...

මේ දක්වා ආපු ගමන මම මීට කලින් පෝස්ට් දෙකක් විදියට ලියල තියෙනව... මම හිතන්නෙ ඒ දෙකත් කියවල බැලුවොත් පොඩි අදහසක් එයි මම මේ ඉන්න තැන ගැන.

පළමු පෝස්ටුව  -->  එදා සහ අද -- 1
දෙවන පෝස්ටුව --> එදා සහ අද -- 2

ශිෂ්‍යයෙක්... ශිෂ්‍ය සංගමයේ උප සභාපති, ශිෂ්‍ය සංගමයේ සභාපති, භාහිර කථිකාචාර්යවරයෙක් විදියට ආපු ගමනෙ.. අද මම එතන කළමනාකාර තනතුරටත් ඇවිත්.... 

තනියම සල්ලි හොයාගෙන ඩිප්ලෝමා පාඨමාලාව හදාරල, තනියම සොයාගත් සහ ණයට ගත් මුදල් වලින් උසස් ජාතික ඩිප්ලෝමා පාඨමාලාව හදාරල, තනියම සොයාගත් සහ ණයට ගත් මුදල් වලින් උපාධියත් අවසන් කරල මම ආපු ගමන එච්චරම සුන්දරම පහසුම ගමනක් නෙමෙයි... මුදල් ප්‍රශ්න.. ආයතනය සහ ගුරුවරු සමග යම් යම් ගැටුම් එක්ක.. අවාසනාව කියන දේ ටොන් ගාණකුත් එක්ක...

ආපු ගමන දිහා හැරිල බලනකොට නම් ලොකු සතුටක් තියෙනව. දුක් විඳගෙන ආපු ගමනෙ අපේ බාසාවෙන් කියනව නම් ආතල් ගත්තෙත් නැතුවම නෙමෙයි... ඒ කාලෙ මගෙත් එක්ක හිටපු අය නම් ඒව දන්නව ඉතින්...


බය නැතුව කියන්න පුලුවන් අද මේ තත්වෙට එනකම් මම ලබාගත්තු හැම දෙයක්ම මම 100%ක්ම මහන්සි වෙලා ලබාගත්තු දේවල්. මේ ගමනෙදි මම තේරුම් ගත්ත... තමන්ට දෙයක් කරගන්න ඕන නම්... සමහර විට අපි ඒ බලාපොරොත්තු වෙන කාලය ඇතුලතම නැති උනත්... මිළ අධික සිහිනයක් උනත්... තමන්ට උවමනාවක් තියෙනව නම් ලබාගන්න පුලුවන්. 

ආදරය... අධ්‍යාපනය.... එකට පටලවගෙන... එකක් ඉහලට යනකොට අනෙකින් වැටිල ඒකෙන් ඉහලට යනකොට ආපහු අනිත් එකෙන් වැටිල... සමබර නැතුව ගෙවපු අනන්තවත් සිදුවීම් එක්ක...

අද මම ඉගෙනගත්තු ආයතනයේම කළමනාකාර තනතුරට පත් වෙලා..  ගුරු ජීවිතයේදි වගෙම... ළමයින්ට අසාධාරණයක් නොවෙන්න වගකීම්න් උගන්නපු එකේ ප්‍රථිපල අද මට ලැබිල තියෙනව කියල මට හිතෙනව.

මේ වෘත්තියට මම අලුත්. ඒත් අත අරින්න හෝ සැලෙන්න සූදානමක් නෑ.. තරඟය ගොඩක් වැඩියි. නමුත් අත අරින්න සූදානම් නෑ... ඕන්න ඕකයි ඉතින් මට අපේ බ්ලොග් කියවන ලියන අයට කියාගන්න විදියක් නැතුව මෙච්චර හිතේ තියන් උන්නෙ. ඒ කාලෙ ඉඳන් මගෙත් එක්ක උන්න දැනටත් ඉන්න සහෘද බ්ලොග් ලියන්නෝ සහ කියවන්නෝ වෙනුවෙන් ඔන්න මගෙ අලුත්ම තත්වය ගැන පෝස්ටුවක් දැම්ම...
අදහසක් තියේ නම් දාල යන්න...

2017 ජනවාරි 18 වෙනිද වැඩ බාරගත්තට ඔන්න අදයි ඉතින් හිත නිදහස් උනේ.  :D

ලේසි නෑ... ලංකාවෙ පෞද්ගලික අංශයෙන් ආරම්භ උන පලවෙනිම තොරතුරු තාක්ෂණ ආයතනයේ ගම්පහ ශාඛාව තමයි ඈ...

ඔය ගම්පහ අවට ඉන්න කම්පියුටර් කෝස් හොයන අය මේකට එවන්ඩලා.... බුහහහහහා... :D :D :D




Saturday, November 26, 2016

..මේ ගමන...

..:| මතක වස්තුව |:.. "කල්පිතය යථාර්තයට ගැළපවීම....."

Image From - link
(....සිතට සිතුන දේ.... )😶😶
🌝සිසිල් සුලගත් විටෙක ,
🌞 උණුසුම් සුලගත් ගත දැවටෙන්නේ.
ප්‍රියයන් ද නොදන්නාවුනද දස දහසක් හමුවන්නේ... 
😙සුන්දර පෙම්වතුන්👫 🙌👦තනිකඩයන් 🙆හට තැවුල් ගෙනෙමින් ගමන් කරන්නේ..
කොලයක් කඩදහියක් කුරුටූ ගාන්නට නොහැකයන්ද, 
ජීවිතයේ නිති සුව ද අතෘප්තියද විදින්නවුන් ද, 
හමුවන මේ ගමන... 
සමහරුන් අයිතීන් වලින් අගතැන්පත් කරගත් රාජ්‍ය 
👑සිහසුන් ඇති ඒ දෙස දෙපතුල් 😓කකියමින් 😓ගමන් කරන්නට වන, 
තවත් අයවලුන්ට ජීවිතය ජීවත් කරවන
 තවත් අයවලුන්ට ජීවිතය අවසාන කරන,
 දසදහසක් ජනයාගේ සරණය..
 😌 වන මේ ගමන.😊😊

🚇🚆 දුම්රිය ගමනයි..🚉🚈


Written by - Natasha Silva 

හුඟ කාලෙකට පස්සෙ.... හිතට අල්ලල ගිය..... ලස්සන ලියමනක්.... අහම්බෙන් වගේ..... මුහුණුපොතේ... හමුවුන මිතුරියකගෙන්..... උපුටා ගැනීමක්... ඇගේ අවසරයෙන්....






Wednesday, November 2, 2016

විරුද්ධව පිළිවෙතට...


..:| මතක වස්තුව |:.. "කල්පිතය යථාර්තයට ගැළපවීම....."




කුරුල්ලනි එන්න
පියාඹා එන්න
හමන තද සුළඟට
විරුද්ධව එන්න...

රශ්මියෙනි එන්න
බබුළුවන් එන්න
තුෂර ගල් ගැසුණු
තිර දවා ලන්න....

රෝගියෙනි එන්න
ඉක්මනින් එන්න
ඉක්මනින් යන්න
හිතන්නෙම නැතුව...

ඇඳට වී ඉන්න
"ටිකට්"එක එනතුරු
නොඉඳ "මෙහි" යන්න
විරුද්ධව පිළිවෙතට...


--Word 11 stories--
-General Hospital, Gampaha -

Tuesday, September 27, 2016

..අසනි ගැබ..

..:| මතක වස්තුව |:.. "කල්පිතය යථාර්තයට ගැළපවීම....."




අසනි ගැබ

හිස් අහසට හැකි උනාට
සිත් අහසට හැකි උනා ද,
දවස ගානෙ පිරුණු සිතුම්
හිස් කරන්න කිසිම දාක?





Thursday, September 22, 2016

..දුර්වලයා..

..:| මතක වස්තුව |:.. "කල්පිතය යථාර්තයට ගැළපවීම....."


දක්ෂ ලමයෙක්ට උගන්නල හොඳ තැනකට අරගන්න ගුරුවරු එමටයි.... ඒ වගේ ලමයින්ට උගන්නන්නත් ගුරුවරු ගොඩක් කැමතියි හොඳට, ඉක්මනට ඉගෙන ගන්න නිසා...
ඒත් දුර්වල ළමයෙක්ට උගන්නල හොඳ තැනකට අරගන්න උත්සහ කරන ගුරුවරු අල්පයි.. ඒ වගේ ළමයින්ට උගන්නන්නත් ගොඩක් ගුරුවරු කැමති නෑ, මොකද ඉක්මනට, හොඳින් ඉගෙනගන්න ඒ ළමයි දක්ෂ නැති නිසා....
ඒ වගේම එහෙම ළමයින්ට උගන්නන ගුරුවරුන්ට සාමාන්‍ය ගුරුවරයෙක්ට වඩා හොඳ ඉවසීමක්, සංයමයක් තියෙන්නෙ ඕන. එහෙම දරුවෙක් එහෙම ගුරුවරයෙක්ගෙන් අධ්‍යාපනය ලබන්න පිං කරල තියෙන්න ඕන....


රටේ ලෝකෙ හොඳ කෙනෙක්ව තව තවත් හොඳ මගට යොමු කරල යහමග යොදවන්න පුලුවන්, එහෙම කරන අය එමටයි... එහෙම හොඳ කෙනෙක්ව තව තවත් යහමගට යොමු කරන්න කවුරු උනත් කැමතියි, ගොඩක් උනන්දුයි....
ඒත් රටේ ලෝකෙ, මේ සමාජෙ ඉන්න නරක කෙනෙක්ව හොඳ මගට යොමු කරල යහමග යොදවන්න පුලුවන්, එහෙම කරන අය අල්පයි. මොකද ඒ කාර්ය එතරම් ලේසි නැති නිසා වගෙම සමහර අවස්ථාවල ඒක අවධානම් හෝ අවධානමක් අරගෙන කරන්න ඕන දෙයක් වන නිසා...
ඒ වගේම එහෙම නරක හෝ නරකට යොමු වෙමින් සිටින් හෝ නරකින් මිදෙන්න උත්සහ කරන අයව යහමගට ගන්න උදවු දෙන, ක්‍රියා කරන පුද්ගලයින්ට ලොකු ඉවසීමක්, හොඳ සංවේදීභාවයක් වගේම ඒ සඳහා හදවතින්ම නැගෙන සිතුවිලි පහල වෙන්න ඕන... එහෙම පුද්ගලයෙක්ගෙන් අවවාද අනුශාසනා හෝ උපදෙස් ලබන්නත් මිනිස්සු පිං කරල තියෙන්න ඕන...


මම දක්සයව අත ඇරල දුර්වලයට අත දෙන කෙනෙක්, දක්සයට අත දෙන්න අය ගොඩයි සමාජෙ, ඒ නිසා මම හැම වෙලේම වැඩි අවධානයක් දෙන්නෙ මගෙ පංති වල අදක්ෂ දුර්වල ළමයට....
ඒ වගේම හොඳ මිනිස්සු එක්ක එකතු වෙලා හොඳ දේවල්, යහපත් දේවල් කරන අයට වඩා මම හැම වෙලේම උත්සහ කරන්නෙ නරකට යොමු වෙච්ච හෝ නරකට යොමු වෙමින් ඉන්න කෙනෙක්ව යහපත් දේවල් කරන්න එකතු කරගන්න එක....
වෙන කාටවත් වඩා මම ඒක හොඳින්ම දන්නව, මට ඒක හොඳින්ම දැනෙනව... මොකද මමත් කාලයක් ඒ වගේ අදක්ෂයෙක්, දුර්වලයෙක්, නරකට යොමු වෙච්ච කෙනෙක්, යහපත් චේතනාවෙන් ක්‍රියා නොකල කෙනෙක්... ඒත් අද මම වෙනස්..කර්මය විස්වාස කරනව..... අටලෝ දහමට වෙනස් නොවී හිටියම ලබාගන්න පුලුවන් දේවල් ගැන මම ම අත්දැකීම්න් ඉගෙනගත්තු දේවල් තියෙනව... මම ඒ සියල්ලම මගෙ එක්ක ඉන්න හැමෝටම කියල දෙනව.... ඒව අහන අය අහනව, නැති අයත් ඉන්නව... ඒත් පුංචි සිතුවිල්ලක් හරි වෙනස් වෙනව නම් ඒක මගෙ ජයක්... ඔයාලගෙත් ජයක්...
ජය වේවා...